Tatiyaibbhavādavaṇṇanā
266. Khettaleḍḍūnan ti khette kasanavasena naṅgalena uṭṭhāpitaleḍḍūnaṃ .
‘‘ Laṭukikā ’’ icceva paññātā khuddakasakuṇikā laṭukikopamavaṇṇanāyaṃ ‘‘ cātakasakuṇikā ’’ ti ( ma . ni . aṭṭha .3.150) vuttā .
Kodhavasena laggitun ti upanayhituṃ , āghātaṃ bandhitunti
P1.391 attho .‘‘ Amhe haṃsakoñcamorasame karotī ’’ ti iminā ‘‘ na taṃ koci haṃso vā ’’ tiādivacanaṃ saṅgītiṃ anāruḷhaṃ tadā bhagavatā vuttamevāti dasseti .
‘‘ Evaṃ nu te ’’ tiādivacanaṃ ,‘‘ avusitavāyevā ’’ tiādivacanañca
V1.265 mānavasena samaṇena gotamena vuttanti maññatīti adhippāyenāha ‘‘ nimmāno dāni jātoti maññamāno ’’ ti .