Cūḷamajjhimamahāsīlavaṇṇanā
194-211.
‘‘ Sīlasmin ’’ ti idaṃ niddhāraṇe bhummanti āha ‘‘ ekaṃ sīlaṃ hotīti attho ’’ ti .
Ayameva atthoti paccattavacanattho eva .
Brahmajāleti brahmajālavaṇṇanāyaṃ ( dī . ni . aṭṭha .1.7).
212. Attānuvādaparānuvādadaṇḍabhayādīni
M1.242 asaṃvaramūlakāni .Sīlassāsaṃvaratoti sīlassa asaṃvaraṇato , sīlasaṃvarābhāvatoti attho .
Bhaveyyāti uppajjeyya .
Yathāvidhānavihitenāti yathāvidhānasampāditena .
Avippaṭisārādinimittaṃ
P1.314 uppannacetasikasukhasamuṭṭhānehi paṇītarūpehi phuṭṭhasarīrassa uḷāraṃ kāyikaṃ sukhaṃ bhavatīti āha ‘‘ avippaṭisāra … pe … paṭisaṃvedetī ’’ ti .