ဟိ၊ မှန်၏။ (“ဟုတ်မှန်သော ဥတ္တရိမနုဿဓမ္မကို ပြောလျှင် အာပတ် မသင့်” ဟူသော ပါဠိတော်စကားသည် မှန်၏။) ပရိနိဗ္ဗာနကာလေဝါ၊ ပရိနိဗ္ဗာန် စံခါနီးအခါ၌သော်လည်းကောင်း။ အန္တရာ ဝါ၊ ပရိနိဗ္ဗာန် မစံမီ အကြား၌သော်လည်းကောင်း။ အတိကဍ္ဎီယမာနေန၊ စကားဖြင့်အလွန်ဆွဲငင်အပ်သော ရဟန်းသည်။

အတိကဍ္ဎီယမာနေန ။ “အရှင်ဘုရား . . . ပြောပါအဘယ်တရားထူးကို အရှင် ဘုရား ရအပ်ပါသနည်း” ဤသို့စသည်ဖြင့် လှည့်ပတ်၍ မပြော ပြောအောင် အမေးခံရသူကို “အတိကဍ္ဎီယမာနေန” ဟု ဆိုသည်။ [အတိကဍ္ဎီယမာနေနာတိ “ဝဒထ ဘန္တေ၊ ကိံ ဟုမှေဟိ အဓိဂတ” န္တိ ဧဝံ နိပ္ပီဠိယမာနေန။]

ပရိနိဗ္ဗာနကာလေ ဟိ ။ ။ပရိနိဗ္ဗာန် စံခါနီးဖြစ်စေ, မစံမီအကြား၌ ဖြစ်စေတရားထူး ရ မရကို အတင်းမေးခြင်းဟူသောအကြောင်း, ဈာယီအရိယာမှန်း မသိ၍ စွပ်စွဲ သော ရဟန်းအား အပြစ်မဖြစ်စေလိုခြင်းဟူသောအကြောင်း, အထက်ပုဂ္ဂိုလ်က တရားထူး ရပြီးပြီလားဟု မေးခြင်းဟူသောအကြောင်း, ဤပုဂ္ဂိုလ်သည် တရားအလုပ်ကို အားထုတ်နေသူ တည်းဟု အများသိ၍ အားထုတ်မှု၏ အချီးနှီး မဖြစ်ကြောင်း ကြားရလျှင် ရွှင်လန်းစေလို အတုလိုက်၍ အားထုတ်စေလိုခြင်းစသော အကြောင်းများတည်း၊ ဤအကြောင်းများကြောင့် ကား (မေးမေး မမေးမေး) မိမိ အရိယာဖြစ်ကြောင်းကို ပြောနိုင်၏။ [အနတိကဍ္ဎိယမာနေနပိ ပုစ္ဆိတေဝါ အပုစ္ဆိတေဝါ တထာရူပေ ကာရဏေ သတိ အာရောစေတုံ ဝဋ္ဋတိယေဝ၊ ကာရကော အယန္တိ ဉ တွာပိ ပဋိပတ္တိယာ အမောဃဘာဝဒဿနေန သမုတ္တေဇနာယ သမ္ပဟံသနာယစ အရိယာ အတ္တာနံ ပကာသေန္တိယေဝ၊-ဋီကာ။]

ဥပသမ္ပန္နဿ ဘူတံ အာရောစေတုံ ဝဋ္ဋတိ။