ပန၊ ဆက်။ (ဂေါကဏ္ဍကော၊ နွားခွာဖြင့် ဖြတ်အပ် သော ဆူးသည်။) ဟေဋ္ဌိမတလေန၊ အောက်အပြင်အားဖြင့်။ ဘူမိသမ္ဗန္ဓော၊ မြေ ကြီးနှင့် ဆက်စပ်နေသည်။ သစေ ဟောတိ၊ အံ့။ (ဧဝံသတိ။) ဧကဒိဝသမ္ပိ၊ တစ်ရက် မျှရှိသော ဂေါကဏ္ဍကကိုလည်း။ (ဝိကောပေတုံ။) န ဝဋ္ဋတိ။ [ဧကဒိဝသမြို့၌ ပိဖြင့်ဩမကစာတုမာသကို သမ္ဘာဝနာပြု။ လေးလအောက် ယုတ်လျော့သည်ကို မဆို ထားဘိ။ တစ်ရက်မျှရှိသေးသော ဂေါကဏ္ဍကကိုတောင် မဖျက်ဆီးကောင်း-ဟူလို။]

အကတပဗ္ဘာရေ ။ ။မည်သူမျှ မသုံးစွဲဘဲ ပစ်ထားအပ်သော တောင်ဝှမ်းကို အကတ ပဗ္ဘာရဟု ခေါ်သည်၊ သုံးစွဲဖို့ရန် တံမြက်လှည်းခြင်း စသည် မပြုအပ်သောကြောင့် “အကတ” ဟု ဝိသေသနပြုထားသည်၊ ထိုတောင်ဝှမ်းမျိုး၌ တောင်ပို့ ပေါက်တတ်သောကြောင့် “အကတ ပဗ္ဘာရ” ကို ညွှန်ပြထားသည်၊ အမှန်အားဖြင့်ကား မည်သို့သော တောင်ဝှမ်း တောင်ခေါင်း၌ မဆို တောင်ပို့ပေါက်လျှင် မိုးမစွပ်အပ်သောကြောင့် ဖျက်ဆီးကောင်းပါ၏။

ဂေါကဏ္ဍက ။ ။နွားခွာဖြင့် နင်း၍ အပေါ်သို့ တက်လာသော ညွန်သည် ဆူး ကဲ့သို့ စူးတတ်သောကြောင့် “ဂေါကဏ္ဍက” မည်၏၊ ထိုဂေါကဏ္ဍကသည် ၂ မျိုးရှိ၏၊ နင်းလိုက် သောအခါ အောက်မြေနှင့် မဆက်မစပ် ပြတ်ထွက်သွားသော ခပ်မာမာ ညွန်တစ်မျိုး ပြတ်ထွက် မသွားဘဲ အောက်ကမြေနှင့် ဆက်စပ်နေသော ညွန်တစ်မျိုးတည်းထိုတွင် မြေနှင့် စပ်နေသော ဂေါကဏ္ဍကကို မဖျက်ဆီးကောင်း။

ဧကဒိဝသံပိ ။ ။"သြဝဋ္ဌ ဧကဒိဝသာတိက္ကန္တောပိ-မိုးစွပ်အပ်ပြီး၍ တစ်ရက်လွန်မျှ ဖြစ်သော ညွန်ကိုလည်း" ဟု ဖွင့်၏၊ မိမိကား “နွားခွာဖြင့် ဖြတ်ပြီးနောက် တစ်ရက်ရှိသော် လည်း” ဟု ဆိုလိုမည် ထင်သည်၊ မူလဇာတပထဝီနှင့် အဆက်မပြတ်သောကြောင့် လုံးလုံး မဖျက်ကောင်းဟု ဆိုလိုသည်အချို့ကား အပေါ်ပိုင်းမှာ ဇာတပထဝီ မဟုတ်သောကြောင့် ဖြတ်၍ ယူကောင်း၏ဟု ဆိုကြသေးသတတ်၊-ဋီကာ။

စ၊ ဆက်။ ဒဍ္ဎပထဝိယာ၊ မီးလောင် အပ်ပြီးသော မြေ၏။ ယတ္တကံ ဌာနံ၊ အကြင်မျှလောက်သော အရပ်ကို။ ဥသုမာယ၊ မီး၏ အငွေ့သည်။ (မီး၏ အရှိန်သည်။)

အဝိသယတ္တာ အနာပတ္တိ ။ ။သုက္ခခါဏု စသည်တို့က မြေပေါ်မှာ အတော်ရှည်လျားသည်ဖြစ်၍ အထက်ပိုင်းကိုသာ ရှိပြီးလျှင် မြေကြီးသို့ မရောက်မီ ငြိမ်းအံ့ဟု ကြံ၍ မီးရှို့ခြင်းငှာ အပ်၏၊ ရှို့ရင်း ရှို့ရင်း မီးက အားကောင်းလာသဖြင့် မြေကြီး မရောက်မီ ငြိမ်း ခြင်းငှာ မစွမ်းနိုင်လျှင်လည်း အဝိသယဖြစ်သောကြောင့် (တတ်နိုင်သော အရာ မဟုတ်သော ကြောင့်) အနာပတ်တည်း။

ဋီကာ ။ ။ဋီကာ၌ “နဂိုက မြေကြီး မရောက်မီ ငြိမ်းအံ့”ဟု သုဒ္ဓစိတ်ဖြင့် မီးရှို့လျှင် နောင်အခါ ငြိမ်းနိုင်စေကာမူ မငြိမ်းတော့ဘဲ မြေကြီးပါလောင်ချင် လောင်ပစေတော့ဟု သဘောထားသော်လည်း အနာပတ်ဟုပင် ဆို၏၊ ထိုအဆိုသည် သင့်သည်သာ၊ ဘာ့ကြောင့် နည်း- မီးရှို့မှု ကာယပယောဂပြုစဉ်က သုဒ္ဓစိတ်ဖြစ်သောကြောင့်တည်း၊ လောင်ချင် လောင် ပစေတော့ဟု နောက်မှဖြစ်သော စိတ်မှာ ကာယပာဂ ဝစီပယောဂ မဖက် စိတ်သက်သက် သာ ဖြစ်၏၊ ထို့ကြောင့် “မနောဒွါရေ အနာပတ္တိ” အရ အနာပတ်ဖြစ်နိုင်သည်။

အနုဂတံ၊ အစဉ်လိုက်အပ်ပြီ။ သဗ္ဗံ၊ အလုံးစုံ သော ထိုအရပ်ကို။ ဝိကောပေတုံ ဝဋ္ဋတိ။ ဣတိ၊ သို့။ တတ္ထေဝ၊ ထိုမဟာပစ္စရီ အဋ္ဌကထာ၌ပင်။ ဝုတ္တံ၊ ပြီ။