267.

‘‘ AlaṅkatāV2.3 suvasanā , mālinī candanussadā ;

Majjhe mahāpathe nārī , tūriye naccati naṭṭakī .

268. ‘‘ Piṇḍikāya paviṭṭhohaṃ , gacchanto naṃ udikkhisaṃ ; Alaṅkataṃ suvasanaṃ , maccupāsaṃva oḍḍitaṃ .

269. ‘‘ Tato me manasīkāro , yoniso udapajjatha ; Ādīnavo pāturahu , nibbidā samatiṭṭhatha .

271. ‘‘ Ahaṃ middhena pakato , vihārā upanikkhamiṃ ; Caṅkamaṃ abhiruhanto , tattheva papatiṃ chamā .

275. ‘‘ Pare ca na vijānanti , mayamettha yamāmase ; Ye ca tattha vijānanti , tato sammanti medhagā .

276.

‘‘ Yadā ca avijānantā , iriyantyamarā viya ;

Vijānanti ca ye dhammaṃ , āturesu anāturā .

277. ‘‘ YaṃM2.8 kiñci sithilaṃ kammaṃ , saṃkiliṭṭhañca yaṃ vataṃ ; Saṅkassaraṃ brahmacariyaṃ , na taṃ hoti mahapphalaṃ .

279. ‘‘ Dhiratthu pūre duggandhe , mārapakkhe avassute ; Navasotāni te kāye , yāni sandanti sabbadā .

280. ‘‘ MāM2.11P2.117 purāṇaṃ amaññittho , māsādesi tathāgate ; Saggepi te na rajjanti , kimaṅgaṃ pana mānuse .

281. ‘‘ Ye ca kho bālā dummedhā , dummantī mohapārutā ; Tādisā tattha rajjanti , mārakhittamhi bandhane .

283. ‘‘ Pañcapaññāsavassāni , rajojallamadhārayiṃ ; Bhuñjanto māsikaṃ bhattaṃ , kesamassuṃ alocayiṃ .

284. ‘‘ Ekapādena aṭṭhāsiṃ , āsanaṃ parivajjayiṃ ; Sukkhagūthāni ca khādiṃ , uddesañca na sādiyiṃ .

285. ‘‘ Etādisaṃ karitvāna , bahuṃ duggatigāminaṃ ; Vuyhamāno mahoghena , buddhaṃ saraṇamāgamaṃ .

287. ‘‘ Svāgataṃ vata me āsi , gayāyaṃ gayaphagguyā ; Yaṃ addasāsiṃ sambuddhaṃ , desentaṃ dhammamuttamaṃ .

288.

‘‘ Mahappabhaṃ gaṇācariyaṃ , aggapattaṃ vināyakaṃ ;

Sadevakassa lokassa , jinaṃ atuladassanaṃ .

289. ‘‘ Mahānāgaṃ mahāvīraṃ , mahājutimanāsavaṃ ; Sabbāsavaparikkhīṇaṃ , satthāramakutobhayaṃ .

291. ‘‘ Yo dandhakāle tarati , taraṇīye ca dandhaye ; Ayonisaṃvidhānena , bālo dukkhaṃ nigacchati .

292. ‘‘ Tassatthā parihāyanti , kāḷapakkheva candimā ; Āyasakyañca pappoti , mittehi ca virujjhati .

293. ‘‘ YoV2.18 dandhakāle dandheti , taraṇīye ca tāraye ; Yoniso saṃvidhānena , sukhaṃ pappoti paṇḍito .

295. ‘‘ UbhayenevaP2.125 sampanno , rāhulabhaddoti maṃ vidū ; Yañcamhi putto buddhassa , yañca dhammesu cakkhumā .

296. ‘‘ Yañca me āsavā khīṇā , yañca natthi punabbhavo ; Arahā dakkhiṇeyyomhi , tevijjo amataddaso .

297. ‘‘ Kāmandhā jālapacchannā , taṇhāchadanachāditā ; Pamattabandhunā baddhā , macchāva kumināmukhe .

299. ‘‘ Jātarūpena sañchannā , dāsīgaṇapurakkhatā ; Aṅkena puttamādāya , bhariyā maṃ upāgami .

300. ‘‘ TañcaV2.23P2.127 disvāna āyantiṃ , sakaputtassa mātaraṃ ; Alaṅkataṃ suvasanaṃ , maccupāsaṃva oḍḍitaṃ .

301.

‘‘ Tato me manasīkāro , yoniso udapajjatha ;

Ādīnavo pāturahu , nibbidā samatiṭṭhatha .

304. ‘‘ Na hi dhammo adhammo ca , ubho samavipākino ; Adhammo nirayaṃ neti , dhammo pāpeti suggatiṃ .

305. ‘‘ Tasmā hi dhammesu kareyya chandaṃ , iti modamāno sugatena tādinā ; Dhamme ṭhitā sugatavarassa sāvakā , nīyanti dhīrā saraṇavaraggagāmino .

307. ‘‘ Yadā balākā sucipaṇḍaracchadā , kāḷassa meghassa bhayena tajjitā ; Palehiti ālayamālayesinī , tadā nadī ajakaraṇī rameti maṃ .

308. ‘‘ Yadā balākā suvisuddhapaṇḍarā , kāḷassa meghassa bhayena tajjitā ; Pariyesati leṇamaleṇadassinī , tadā nadī ajakaraṇī rameti maṃ .

309. ‘‘ Kaṃ nu tattha na ramenti , jambuyo ubhato tahiṃ ; Sobhentī āpagākūlaṃ , mama leṇassa pacchato .

311. ‘‘ PabbajiṃP2.133 jīvikatthohaṃ , laddhāna upasampadaṃ ; Tato saddhaṃ paṭilabhiṃ , daḷhavīriyo parakkamiṃ .

312. ‘‘ Kāmaṃ bhijjatuyaṃ kāyo , maṃsapesī visīyaruṃ ; Ubho jaṇṇukasandhīhi , jaṅghāyo papatantu me .