375. ‘‘ DisvānaV2.72 pāṭihīrāni , gotamassa yasassino ; Na tāvāhaṃ paṇipatiṃ , issāmānena vañcito .

376.

‘‘ Mama saṅkappamaññāya , codesi narasārathi ;

Tato me āsi saṃvego , abbhuto lomahaṃsano .

377. ‘‘ PubbeP2.161 jaṭilabhūtassa , yā me siddhi parittikā ; Tāhaṃ tadā nirākatvā , pabbajiṃ jinasāsane .

378. ‘‘ Pubbe yaññena santuṭṭho , kāmadhātupurakkhato ; Pacchā rāgañca dosañca , mohañcāpi samūhaniṃ .

379. ‘‘ Pubbenivāsaṃ jānāmi , dibbacakkhu visodhitaṃ ; Iddhimā paracittaññū , dibbasotañca pāpuṇiṃ .