80.

‘‘ Yaṃ mayā pakataṃ kammaṃ , appaṃ vā yadi vā bahuṃ ; Sabbametaṃ parikkhīṇaṃ , natthi dāni punabbhavo ’’ ti . – gāthaṃ abhāsi ; Tattha yaṃ mayā pakataṃ kamman ti yaṃ kammaṃ tīhi kammadvārehi , chahi uppattidvārehi , aṭṭhahi asaṃvaradvārehiP1.185 , aṭṭhahi ca saṃvaradvārehi pāpādivasena dānādivasena cāti anekehi pakārehi anādimati saṃsāre yaṃ mayā kataṃ upacitaṃ abhinibbattitaṃ vipākakammaṃ . Appaṃ vā yadi vāV1.188 bahun ti tañca vatthucetanāpayogakilesādīnaṃ dubbalabhāvena appaṃ vā , tesaṃ balavabhāvena abhiṇhapavattiyā ca bahuṃ vā . Sabbametaṃ parikkhīṇan ti sabbameva cetaṃ kammaṃ kammakkhayakarassa aggamaggassa adhigatattā parikkhayaṃ gataṃ , kilesavaṭṭappahānena hi kammavaṭṭaṃ pahīnameva hoti vipākavaṭṭassaM1.221 anuppādanato . Tenāha ‘‘ natthi dāni punabbhavo ’’ ti . Āyatiṃ punabbhavābhinibbatti mayhaṃ natthīti attho . ‘‘ Sabbampetan ’’ tipi pāṭho , sabbampi etanti padavibhāgo .

Uggattheragāthāvaṇṇanā niṭṭhitā . Aṭṭhamavaggavaṇṇanā niṭṭhitā .