453. ‘‘ Dvipādakoyaṃ asuci , duggandho parihīrati ; Nānākuṇapaparipūro , vissavanto tato tato .

454.

‘‘ Migaṃ nilīnaṃ kūṭena , baḷiseneva ambujaṃ ;

Vānaraṃ viya lepena , bādhayanti puthujjanaṃ .

455.

‘‘ Rūpā saddā rasā gandhā , phoṭṭhabbā ca manoramā ;

Pañca kāmaguṇā ete , itthirūpasmi dissare .

456. ‘‘ Ye etā upasevanti , rattacittā puthujjanā ; Vaḍḍhenti kaṭasiṃ ghoraṃ , ācinanti punabbhavaṃ .

457.

‘‘ YoM2.121V2.104 cetā parivajjeti , sappasseva padā siro ;

Somaṃ visattikaṃ loke , sato samativattati .