597. ‘‘ Kiṃ tavattho vane tāta , ujjuhānova pāvuse ; Verambhā ramaṇīyā te , paviveko hi jhāyinan ’’ ti . – Paṭhamaṃ gāthamāha . Taṃ sutvā thero –

598. ‘‘ Yathā abbhāni verambho , vāto nudati pāvuse ; Saññā me abhikiranti , vivekapaṭisaññutā .

599. ‘‘ Apaṇḍaro aṇḍasambhavo , sīvathikāya niketacāriko ; Uppādayateva me satiṃ , sandehasmiṃ virāganissitaṃ .

600.

‘‘ Yañca aññe na rakkhanti , yo ca aññe na rakkhati ;

Sa ve bhikkhu sukhaṃ seti , kāmesu anapekkhavā .

601.

‘‘ Acchodikā puthusilā , gonaṅgalamigāyutā ;

Ambusevālasañchannā , te selā ramayanti maṃ .

603. ‘‘‘ Ime haññantu vajjhantu , dukkhaṃ pappontu pāṇino ’; Saṅkappaṃ nābhijānāmi , anariyaṃ dosasaṃhitaṃ .

605. ‘‘ Yassa catthāya pabbajito , agārasmānagāriyaṃ ; So me attho anuppatto , sabbasaṃyojanakkhayo .

606. ‘‘ NābhinandāmiM2.215 maraṇaṃ , nābhinandāmi jīvitaṃ ; Kālañca paṭikaṅkhāmi , nibbisaṃ bhatako yathā .