794.
‘‘ Rūpaṃ disvā sati muṭṭhā , piyaṃ nimittaṃ manasi karoto ;
Sārattacitto vedeti , tañca ajjhosa tiṭṭhati .
795.
‘‘ Tassa vaḍḍhanti vedanā , anekā rūpasambhavā ;
Abhijjhā ca vihesā ca , cittamassūpahaññati ;
Evamācinato dukkhaṃ , ārā nibbāna vuccati .
796.
‘‘ Saddaṃ sutvā sati muṭṭhā , piyaṃ nimittaṃ manasi karoto ;
Sārattacitto vedeti , tañca ajjhosa tiṭṭhati .
797.
‘‘ Tassa
M2.301 vaḍḍhanti vedanā , anekā saddasambhavā ;Abhijjhā ca vihesā ca , cittamassūpahaññati ;
Evamācinato dukkhaṃ , ārā nibbāna vuccati .
798.
‘‘ Gandhaṃ
P3.43 ghatvā sati muṭṭhā , piyaṃ nimittaṃ manasi karoto ;
Sārattacitto vedeti , tañca ajjhosa tiṭṭhati . 799.
‘‘ Tassa vaḍḍhanti vedanā , anekā gandhasambhavā ;
Abhijjhā ca vihesā ca , cittamassūpahaññati ;
Evamācinato dukkhaṃ , ārā nibbāna vuccati .
800.
‘‘ Rasaṃ bhotvā sati muṭṭhā , piyaṃ nimittaṃ manasi karoto ;
Sārattacitto vedeti , tañca ajjhosa tiṭṭhati .
801.
‘‘ Tassa vaḍḍhanti vedanā , anekā rasasambhavā ;
Abhijjhā ca vihesā ca , cittamassūpahaññati ;
Evamācinato dukkhaṃ , ārā nibbāna vuccati .
802.
‘‘ Phassaṃ
V2.256 phussa sati muṭṭhā , piyaṃ nimittaṃ manasi karoto ;
Sārattacitto vedeti , tañca ajjhosa tiṭṭhati . 803.
‘‘ Tassa vaḍḍhanti vedanā , anekā phassasambhavā ;
Abhijjhā ca vihesā ca , cittamassūpahaññati ;
Evamācinato dukkhaṃ , ārā nibbāna vuccati .
804.
‘‘ Dhammaṃ ñatvā sati muṭṭhā , piyaṃ nimittaṃ manasi karoto ;
Sārattacitto vedeti , tañca ajjhosa tiṭṭhati .
805.
‘‘ Tassa vaḍḍhanti vedanā , anekā dhammasambhavā ;
Abhijjhā ca vihesā ca , cittamassūpahaññati ;
Evamācinato dukkhaṃ , ārā nibbāna vuccati .
807.
‘‘ Yathāssa
M2.302 passato rūpaṃ , sevato cāpi vedanaṃ ;Khīyati nopacīyati , evaṃ so caratī sato ;
Evaṃ apacinato dukkhaṃ , santike nibbāna vuccati .
808.
‘‘ Na so rajjati saddesu , saddaṃ sutvā paṭissato ;
Virattacitto vedeti , tañca nājjhosa tiṭṭhati .
809.
‘‘ Yathāssa suṇato saddaṃ , sevato cāpi vedanaṃ ;
Khīyati nopacīyati , evaṃ so caratī sato ;
Evaṃ apacinato dukkhaṃ , santike nibbāna vuccati .
810.
‘‘ Na so rajjati gandhesu , gandhaṃ ghatvā paṭissato ;
Virattacitto vedeti , tañca nājjhosa tiṭṭhati .
811.
‘‘ Yathāssa ghāyato gandhaṃ , sevato cāpi vedanaṃ ;
Khīyati nopacīyati , evaṃ so caratī sato ;
Evaṃ apacinato dukkhaṃ , santike nibbāna vuccati .
812.
‘‘ Na so rajjati rasesu , rasaṃ bhotvā paṭissato ;
Virattacitto vedeti , tañca nājjhosa tiṭṭhati .
813.
‘‘ Yathāssa sāyato rasaṃ , sevato cāpi vedanaṃ ;
Khīyati nopacīyati , evaṃ so caratī sato ;
Evaṃ apacinato dukkhaṃ , santike nibbāna vuccati .
815.
‘‘ Yathāssa
V2.257 phusato phassaṃ , sevato cāpi vedanaṃ ;Khīyati nopacīyati , evaṃ so caratī sato ;
Evaṃ apacinato dukkhaṃ , santike nibbāna vuccati .
816.
‘‘ Na so rajjati dhammesu , dhammaṃ ñatvā paṭissato ;
Virattacitto vedeti , tañca nājjhosa tiṭṭhati .