769. ‘‘ PassaV2.248 cittakataṃ bimbaṃ , arukāyaṃ samussitaṃ ; Āturaṃ bahusaṅkappaṃ , yassa natthi dhuvaṃ ṭhiti .

770. ‘‘ Passa cittakataṃ rūpaṃ , maṇinā kuṇḍalena ca ; Aṭṭhiṃ tacena onaddhaṃ , saha vatthehi sobhati .

772.

‘‘ Aṭṭhāpadakatā kesā , nettā añjanamakkhitā ;

Alaṃ bālassa mohāya , no ca pāragavesino .

773.

‘‘ Añjanīva navā cittā , pūtikāyo alaṅkato ;

Alaṃ bālassa mohāya , no ca pāragavesino .

774.

‘‘ OdahiP3.35 migavo pāsaṃ , nāsadā vāguraṃ migo ;

Bhutvā nivāpaṃ gacchāma , kandante migabandhake .

776. ‘‘ Passāmi loke sadhane manusse , laddhāna vittaṃ na dadanti mohā ; Luddhā dhanaṃ sannicayaṃ karonti , bhiyyova kāme abhipatthayanti .

777. ‘‘ Rājā pasayhappathaviṃ vijetvā , sasāgarantaṃ mahimāvasanto ; Oraṃ samuddassa atittarūpo , pāraṃ samuddassapi patthayetha .

778. ‘‘ Rājā ca aññe ca bahū manussā , avītataṇhā maraṇaṃ upenti ; Ūnāva hutvāna jahanti dehaṃ , kāmehi lokamhi na hatthi titti .

779. ‘‘ Kandanti naṃ ñātī pakiriya kese ,‘ aho vatā no amarā ’ ti cāhu ; Vatthena naṃ pārutaṃ nīharitvā , citaṃ samodhāya tato ḍahanti .

780.

‘‘ SoM2.295 ḍayhati sūlehi tujjamāno , ekena vatthena pahāya bhoge ;

Na mīyamānassa bhavanti tāṇā , ñātī ca mittā atha vā sahāyā .

781. ‘‘ Dāyādakā tassa dhanaṃ haranti , satto pana gacchati yenakammaṃ ; Na mīyamānaṃ dhanamanveti kiñci , puttā ca dārā ca dhanañca raṭṭhaṃ .

782. ‘‘ NaP3.38 dīghamāyuṃ labhate dhanena , na cāpi vittena jaraṃ vihanti ; Appaṃ hidaṃ jīvitamāhu dhīrā , asassataṃ vippariṇāmadhammaṃ .

783.

‘‘ AḍḍhāV2.251 daliddā ca phusanti phassaṃ , bālo ca dhīro ca tatheva phuṭṭho ;

Bālo hi bālyā vadhitova seti , dhīro ca no vedhati phassaphuṭṭho .

784. ‘‘ Tasmā hi paññāva dhanena seyyā , yāya vosānamidhādhigacchati ; Abyositattā hi bhavābhavesu , pāpāni kammāni karoti mohā .

785. ‘‘ Upeti gabbhañca parañca lokaṃ , saṃsāramāpajja paramparāya ; Tassappapañño abhisaddahanto , upeti gabbhañca parañca lokaṃ .

786. ‘‘ Coro yathā sandhimukhe gahīto , sakammunā haññati pāpadhammo ; Evaṃ pajā pecca paramhi loke , sakammunā haññati pāpadhammo .

787. ‘‘ KāmāM2.296 hi citrā madhurā manoramā , virūparūpena mathenti cittaṃ ; Ādīnavaṃ kāmaguṇesu disvā , tasmā ahaṃ pabbajitomhi rāja .

788. ‘‘ Dumapphalānīva patanti māṇavā , daharā ca vuḍḍhā ca sarīrabhedā ; Etampi disvā pabbajitomhi rāja , apaṇṇakaṃ sāmaññameva seyyo .

789.

‘‘ Saddhāyāhaṃ pabbajito , upeto jinasāsane ;

Avañjhā mayhaṃ pabbajjā , anaṇo bhuñjāmi bhojanaṃ .

790. ‘‘ Kāme ādittato disvā , jātarūpāni satthato ; Gabbhavokkantito dukkhaṃ , nirayesu mahabbhayaṃ .

791.

‘‘ EtamādīnavaṃP3.39 ñatvā , saṃvegaṃ alabhiṃ tadā ;

Sohaṃ viddho tadā santo , sampatto āsavakkhayaṃ .