608.

‘‘ Sīlamevidha sikkhetha , asmiṃ loke susikkhitaṃ .

Sīlañhi sabbasampattiṃ , upanāmeti sevitaṃ .

610. ‘‘ Sīlavā hi bahū mitte , saññamenādhigacchati ; Dussīlo pana mittehi , dhaṃsate pāpamācaraṃ .

611. ‘‘ Avaṇṇañca akittiñca , dussīlo labhate naro ; Vaṇṇaṃ kittiṃ pasaṃsañca , sadā labhati sīlavā .

612.

‘‘ ĀdiM2.219V2.186 sīlaṃ patiṭṭhā ca , kalyāṇānañca mātukaṃ ;

Pamukhaṃ sabbadhammānaṃ , tasmā sīlaṃ visodhaye .

614.

‘‘ Sīlaṃ balaṃ appaṭimaṃ , sīlaṃ āvudhamuttamaṃ ;

Sīlamābharaṇaṃ seṭṭhaṃ , sīlaṃ kavacamabbhutaṃ .

615. ‘‘ Sīlaṃ setu mahesakkho , sīlaṃ gandho anuttaro ; Sīlaṃ vilepanaṃ seṭṭhaṃ , yena vāti disodisaṃ .

616. ‘‘ Sīlaṃ sambalamevaggaṃ , sīlaṃ pātheyyamuttamaṃ ; Sīlaṃ seṭṭho ativāho , yena yāti disodisaṃ .

617. ‘‘ Idheva nindaṃ labhati , peccāpāye ca dummano ; Sabbattha dummano bālo , sīlesu asamāhito .

620. ‘‘ Nīce kulamhi jātohaṃ , daliddo appabhojano ; Hīnakammaṃ mamaṃ āsi , ahosiṃ pupphachaḍḍako .

621. ‘‘ Jigucchito manussānaṃ , paribhūto ca vambhito ; Nīcaṃ manaṃ karitvāna , vandissaṃ bahukaṃ janaṃ .

622.

‘‘ Athaddasāsiṃ sambuddhaṃ , bhikkhusaṅghapurakkhataṃ ;

Pavisantaṃ mahāvīraṃ , magadhānaṃ puruttamaṃ .

623. ‘‘ Nikkhipitvāna byābhaṅgiṃ , vandituṃ upasaṅkamiṃ ; Mameva anukampāya , aṭṭhāsi purisuttamo .

625. ‘‘ TatoV2.192 kāruṇiko satthā , sabbalokānukampako ; ‘ Ehi bhikkhū ’ ti maṃ āha , sā me āsūpasampadā .

626.‘‘ Sohaṃ eko araññasmiṃ , viharanto atandito . Akāsiṃ satthu vacanaṃ , yathā maṃ ovadī jino .

628. ‘‘ TatoM2.226 ratyāvivasāne , sūriyuggamanaṃ pati ;( Jā .1.11.79); Indo brahmā ca āgantvā , maṃ namassiṃsu pañjalī .

629. ‘‘ Namo te purisājañña , namo te purisuttama ; Yassa te āsavā khīṇā , dakkhiṇeyyosi mārisa .

630. ‘‘ TatoP2.264 disvāna maṃ satthā , devasaṅghapurakkhataṃ ; Sitaṃ pātukaritvāna , imamatthaṃ abhāsatha .