6. Lakuṇḍakabhaddiyattheravatthu
Selo
P2.148 yathāti imaṃ dhammadesanaṃ satthā jetavane viharanto lakuṇḍakabhaddiyattheraṃ ārabbha kathesi .Puthujjanā
M1.372 kira sāmaṇerādayo theraṃ disvā sīsepi kaṇṇesupi nāsāyapi gahetvā ‘‘ kiṃ , cūḷapita , sāsanasmiṃ na ukkaṇṭhasi , abhiramasī ’’ ti vadanti .Thero tesu neva kujjhati , na dussati .
Dhammasabhāyaṃ kathaṃ samuṭṭhāpesuṃ ‘‘ passathāvuso , lakuṇḍakabhaddiyattheraṃ disvā sāmaṇerādayo evañcevañca viheṭhenti , so tesu neva kujjhati , na dussatī ’’ ti .
Satthā āgantvā ‘‘ kiṃ kathetha , bhikkhave ’’ ti pucchitvā ‘‘ imaṃ nāma , bhante ’’ ti vutte ‘‘ āma , bhikkhave , khīṇāsavā nāma neva kujjhanti , na dussanti .
Ghanaselasadisā hete acalā akampiyā ’’ ti vatvā anusandhiṃ ghaṭetvā dhammaṃ desento imaṃ gāthamāha –
81.
‘‘ Selo yathā ekaghano , vātena na samīrati ;
Evaṃ nindāpasaṃsāsu , na samiñjanti paṇḍitā ’’ ti .
Tattha nindāpasaṃsāsūti kiñcāpi idha dve lokadhammā vuttā , attho pana aṭṭhannampi vasena veditabbo .
Yathā hi ekaghano asusiro selo puratthimādibhedena
P2.149 vātena na samīrati na iñjatiV1.331 na calati , evaṃ aṭṭhasupi lokadhammesu ajjhottharantesu paṇḍitā na samiñjanti , paṭighavasena vā anunayavasena vā na calanti na kampanti .Desanāvasāne bahū sotāpattiphalādīni pāpuṇiṃsūti .
Lakuṇḍakabhaddiyattheravatthu chaṭṭhaṃ .