4. Anattalakkhaṇavatthu
Tatiyagāthāyapi eseva nayo .
Kevalañhi ettha bhagavā tesaṃ bhikkhūnaṃ pubbe anattalakkhaṇe anuyuttabhāvaṃ ñatvā ,‘‘ bhikkhave , sabbepi khandhā avasavattanaṭṭhena anattā evā ’’ ti vatvā imaṃ gāthamāha –
279.
‘‘ Sabbe
P3.407 dhammā anattāti , yadā paññāya passati ;Atha nibbindati dukkhe , esa maggo visuddhiyā ’’ ti .
Tattha sabbe dhammāti pañcakkhandhā eva adhippetā .
Anattāti ‘‘ mā jīyantu mā mīyantū ’’ ti vase vattetuṃ na sakkāti avasavattanaṭṭhena anattā attasuññā assāmikā anissarāti attho .
Sesaṃ purimasadisamevāti .
Anattalakkhaṇavatthu catutthaṃ .