36. Naṭaputtakattheravatthu
Hitvā ratiñcāti imaṃ dhammadesanaṃ satthā veḷuvane viharanto ekaṃ naṭaputtakaṃyeva ārabbha kathesi .
Vatthu purimasadisameva .
Idha pana satthā ,‘‘ bhikkhave , mama putto ratiñca aratiñca pahāya ṭhito ’’ ti vatvā imaṃ gāthamāha –
418.
‘‘ Hitvā ratiñca aratiñca , sītibhūtaṃ nirūpadhiṃ ;
Sabbalokābhibhuṃ vīraṃ , tamahaṃ brūmi brāhmaṇan ’’ ti .
Tattha
V2.413 ratin ti pañcakāmaguṇaratiṃ .Aratin ti araññavāse ukkaṇṭhitattaṃ .
Sītibhūtan ti nibbutaṃ .
Nirūpadhin ti nirupakkilesaṃ .
Vīran ti taṃ evarūpaṃ sabbaṃ khandhalokaṃ abhibhavitvā ṭhitaṃ vīriyavantaṃ ahaṃ brāhmaṇaṃ vadāmīti attho .
Desanāvasāne bahū sotāpattiphalādīni pāpuṇiṃsūti .
Naṭaputtakattheravatthu chattiṃsatimaṃ .